رهبران اتحادیه اروپا در دیدار با امیرخان متقی، وزیر امور خارجه‌ای کشور وعده تداوم همکاری به افغانستان را داده است.
هیأت بلندپایه امارت اسلامی دیروز یکشنبه، ۷ قوس به رهبری محترم مولوی امیرخان متقی وزیر امور خارجهٔ افغانستان با نمایندهٔ ویژهٔ اتحادیهٔ اروپا برای افغانستان، آقای توماس نِکلسن و هیأت همراه‌اش گفتگو‌های دو روزه انجام داد.
عبدالقهار بلخی، در برگه‌ای توییتر خود نگاشته،این دو هیأت روی موضوعات سیاسی، بشری، صحی، امنیتی، راه‌های مصوون رفت‌وآمد به افغانستان و مساعدت‌ها بحث نمودند.
به گفته‌ی بلخی، هیأت افغانستان به جانب اتحادیهٔ اروپا از امنیت اطمینان داد.و خواهان جدا نگه‌داشتن مسائل بشری از سیاسی گردید.
سخنگوی وزارت امور خارجه گفته که در بخش اخیر نشست‌ها، نشست مشترک سه‌جانبه‌ای میان افغانستان، قطر و اتحادیهٔ اروپا نیز برگزار شد.
