ارگ ریاست جمهوری کشور گفته که محمد اشرف غنی رییس جمهوری افغانستان قبل از ظهر امروز(پنجشنبه، 23 دلو) با امام علی رحمان رییس جمهور تاجیکستان، صحبت تیلفونی کرد.
در خبرنامه ارگ ریاست جمهوری کشور آمده است، سران دو کشور در مورد گسترش روابط دوجانبه، پروسه‌ی صلح افغانستان و همکاری‌های منطقوی بحث و تبادل نظر نمودند.
به نقل از ارگ، در این مکالمه تلفونی، رییس جمهور تاجیکستان حمایت خویش را از دیدگاه‌ها و برنامه‌های حکومت افغانستان در عرصه اتصال منطقوی و پروسه صلح به رهبری و مالکیت افغان‌ها ابراز کرد.
ارگ افزوده، همچنان رؤسای جمهور دو کشور بر گسترش همکاری های اقتصادی، تجارتی و سرحدی تاکید ورزیدند.